राजपुर दाङ्ग 

महिलाको  सिप विकास र आत्मनिर्भरताका लागि गाउँपालिका स्तरीय ५ दिने डल्ले साबुन बनाउने तालिम सम्पन्न भएको छ। गाउँ कार्यपालिका सदस्य दिलमति ओलीको अधक्ष्यता, गा.पा. उपाधक्ष्य धनपति देवी यादवको प्रमुख अतिथ्यता तथा वार्ड  नं. ६ का वार्ड अधक्ष्य श्याम बहादुर रोका र  सूचना प्रबिधि अधिकृत शरद रेग्मीको अतिथिमा सम्पन्न कार्यक्रममा सिकेको कुरालाई बेबहारमा उतारेर आफ्नो जिबिको पार्जन गर्न र आत्मनिर्वर बन्न सम्पूर्ण महिलालाई प्रमुख अतिथिले उध्घोस गर्नु भएको थियो।  १९ जना महिला सहभागी रहेको तालिममा राजपुरका कल्याणपुर नाका , खंग्रा नाका, अद्बरुवा तथा गौरिया नाका बाट समेत महिलाहरुको  उपस्थित थियो। श्री गणेश डल्ला साबुन उद्योग लमही सुनडबरिका  निम प्रसाद श्रेष्ठले प्रशिक्षण दिनु भएको तालिम असर १ देखि सुरु भएको थियो। कार्यपालिका सदस्य निम कुमारी झाक्रीले कार्यक्रम संचालन गर्नु भएको कार्यक्रममा सम्पूर्ण अतिथि लगाएत सभागीलाई साबुन उपहार दिइएको थियो भने सहभागीहरुलाई साबुन बनाउने औजार वितरण गरिएको थियो । 

राजपुर २५ जेष्ठ २०७५

 स्थनीय गाउँपालिका पदाधिकारीहरुका लागि अभिमुखीकरण कार्यक्रम गरी राजपुर गाउँपालिकामा रास्ट्रिय क्षयरोग कार्यक्रम मनाइएको छ l गाउँपालिका अध्यक्ष लोकराज केसीको अध्यक्षता, उपाध्यक्ष धनपति देवी यादवको प्रमुख अतिथि तथा प्रमुख प्रशासकीय अधिकृत राम प्रसाद शर्माको विशिष्ट अतिथिमा सम्पन्न कार्यक्रममा गाउँपालिकाका पदाधिकारीहरु अध्यक्ष, उपाअध्यक्ष, प्रमुख प्रशासकीय अधिकृत, वडा अध्यक्षहरू र स्वास्थ्य संयोजकलाई क्षयरोग सम्बन्धी अभिमुखीकरण कार्यक्रम सम्पन्न भएको हो l किड्स नेपालका माधव खनालको स्वागत मन्तब्यबाट सुरु भएको कार्यक्रममा जिल्ला  स्वास्थ्य कार्यालयका क्षय तथा कुस्ट रोग अधिकृत डम्मर कुवरले प्रस्तुतीकरण गर्नु भएको थियो भने कार्यक्रम संचालन स्वास्थ्य संयोजक कमल रोकायाले गर्नु भएको थियो l

२२ जेष्ठ २०७५, राजपुर दाङ

राजपुर गाउँपालिका अन्तर्गत कृषि विकाश शाखा जंग्रहवाले जेष्ठ १८ गतेबाट धानको बिउ बितरण सुरु गरेको छ l कृषि क्षत्रमा उत्पादन बढाउने हेतुले कृषकलाई ध्यानमा राखी ५० प्रतिशत अनुदानमा राम धान र सुख्खा ३ धानको बिउ वितरण कार्यक्रम सुरु गरेको कृषि शाखा संयोजक केशव प्रसाद भुसालले जानकारी दिनु भएको छ l राजपुर गाउँपालिका भित्रका सम्पूर्ण कृषकहरुलाई आवश्यक अनुसार कृषि शाखा कार्यलयबाट बिउ माग गर्न समेत आव्हान गर्नुभएको छ l